*मावशी बनली वैरी कल्याण कोळशेवाडी पोलिसांनी केला खूणाचा उलगडा*
*आत्यामुलेच गुन्ह्यला फुटली वाचा*
*कल्याण मधील चिमुकलीची हत्या करून मृतदेह फेकला कर्जतला*
कर्जत /प्रतिनिधी ; कल्याण मधील चारवर्षाया चिमुकलीची मावशी आणि तिच्या पतीने हत्या करून कर्जत तालुक्यातील एका निर्जन ठिकाणी मृतदेह फेकून दिला. कल्याणच्या कोळसेवाडी पोलिसांनी या गुन्ह्याचा उलगडा केला असून 10 महिन्यानंतर या प्रकरणाचा छडा लागला. मावशीच वैरी बनल्याने सर्वत्र संताप व्यक्त होत आहे.
पोलिसांनी या प्रकरणी नेरल मधून प्रथमेश उर्फ अमर कांबरी आणि अपर्णा कांबरी या आरोपींना अटक केली आहे.
मृत मुलीचे आई वडील वेगळे राहतात त्यामुळे पीडित मुलीला रायगड जिल्ह्यातील कर्जत भिवपुरी चिंचवली येथे राहणाऱ्या मावशीने येथे सांभाळण्यासाठी आपल्याकडेच ठेवले होते. मात्र चिमुकली सतत पॅन्ट मध्ये सौच करत असल्याने एके दिवशी मावशीने बेदम मारहाण केली. या मारहाणीत तिचा मृत्यू झाला. यानंतर मुलीचा मृतदेह एका गादीमध्ये गुंडाळून कर्जत कल्याण राज्य मार्गावर फेकून दिला होता.
कल्याण कोळसेवाडी पोलिसांनी नेरळ पोलिसांच्या मदतीने घटनास्थळावरून मृत मुलीची जलालेल्या अवस्थेतील हाडे हस्तगत केली. हे अवशेष फॉरेन्सिक लॅब मध्ये पाठवण्यात येणार असल्याची माहिती पोलीस निरीक्षक गणेश ऱ्हायदे यांनी दिली.
*आत्यामुले गुन्ह्याला वाचा फुटली*
कल्याण येथील पीडित मुलीच्या आत्याने ऑक्टोबर 2024 मध्ये फोन करून मुलीची चौकशी केली असता कांबरी कुटुंब काहीच माहिती देत नव्हते, मुलीला फोनवर बोलून दिले जात नव्हते, यामुळे शंका आल्यामुळे आत्याने कोळसेवाडी पोलीस ठाण्यात मुलगी बेपत्ता असल्याची तक्रार दाखल केली होती. या नंतर पोलिसांनी अपर्णा आणि तिच्या पतीला ताब्यात घेऊन चौकशी केली असता तिचा खून केल्याची कबुली मावशी आणि तिच्या पतीने दिली.
Post a Comment
0 Comments