कर्जत तालुक्यातील उल्हास नदीच्या पात्रात बुडून दोन तरुणांचा मृत्यू झाल्याची घटना...

   प्रतिनिधी / कर्जत ;  कर्जत जवळील खांडपे येथे असलेल्या रेडीसन ब्ल्यू हॉटेल मधील दोन कामगारांचा नदीत बुडून मृत्यू झाला आहे.

   या हॉटेल च्या बाजूने वाहणाऱ्या उल्हास नदी मधील बंदार्यात पोहत असताना त्या दोन कामगारांना पाण्याचा अंदाज न आल्याने पाण्यात बुडून मृत्यू झाला आहे.

    कर्जत तालुक्यातील खांडपे गावाजवळील रेडीसन ब्ल्यू हॉटेल  मधील दोन कामगार आपले काम आटपून पाण्यात पोहण्यासाठी गेले होते. या हॉटेलच्या बाजूनेच उल्हासनदी वाहत असून या नदीचे पात्र उन्हाळ्यात कोरडे पडते आणि त्या मुले या नदीमध्ये पाणी साठा व्हावा म्हणून अनेक ठिकाणी सिमेंट बंधारे बांधण्यात आले आहेत. या बंधाऱ्यात पाणी साठा मोठ्या प्रमाणात असून त्या पाण्यात पोहण्यासाठी विवेक सिंग रावत आणि रुपेन सुब्बा हे दोघे तिथे अंघोळी साठी गेले होते.

    कर्जत खांडपे कोंदिवडे रस्त्या लागून असलेल्या नदीत हे दोन तरुण पोहण्याचा आनंद घेत होते. त्यावेळी तेथे असलेल्या पाण्याच्या खोलीचा अंदाज आला नाही आणि त्या मुले त्या दोघांचा पाण्यात बुडून मृत्यू झाला आहे.

   या प्रकरणाची माहिती कर्जत पोलिस ठाणे यांना मिलाली असता, पोलिसांनी घटना स्थली धाव घेतली. त्यानंतर स्थानिकांच्या मदतीने उल्हास नदी मधून त्या दोन्ही तरुणांना बाहेर काढण्यात आले नसल्याने त्यामुळे कर्जत पोलिस ठाण्याचे निरीक्षक सुरेंद्र गरड यांनी खोपोली येथून अपघाग्रस्तांची एक टीम याना पाचारण केले . गुरुनाथ साठलेकर  यांच्या टीम ने त्या ठिकाणी सर्च ऑपरेशन सुरू केल आणि तब्बल सहा तासांनी या दोन्ही तरुणाचे मृतदेह पाण्यातून बाहेर काढण्यात यश अाले.