कर्जत प्रतिनिधी.. (संतोष पवार).. अखेर नेरळ पोलिसांनी डॉक्टर यांना ठोकल्या बेड्या.
आरोग्य विभागात वैद्यकीय अधिकारी पदावर कार्यरत असणारे डॉक्टर सागर काटे यांना अटक करण्यात आली असून ते नेरळ येथील रहिवासी व रायगड जिल्हा परिषद मध्ये डॉक्टर या पदावर होते यांना न्यायालयात हजर केल्यानंतर मा. न्यायालयाने पोलीस कोठडीत ठेवण्याचे आदेश दिले आहेत.
त्यांच्यासह सात जणांनी नोकरीचे आमिष दाखवून चार जणांना गंडा घातला आहे. त्यातील तीन जणांना रेल्वेत नोकरी लावतो आणि एकाला मंत्रालयात ड्रायव्हर म्हणून नोकरी लावतो तसेच काहींना मंत्रालयात लावतो असे आमिष दाखवून लाखो रुपयांचा गंडा घातल्याचे आरोप त्यांच्यावर आहेत.
नेरळ पोलीस ठाण्यात त्यांच्या बाबत या आधी गुन्हा दाखल झाला होता. या गुणात डॉक्टर सागर काटे यांना अटक झाली आहे.
डॉ. सागर दत्तात्रेय काटे हे रायगड जिल्हा परिषद आरोग्य विभागात वैद्यकीय सेवेत होते.२०२३ पासून सागर काटे यांनी आपले सहकारी मुंबई येथील चिंतन हर्षदास शहा उर्फ चेतन मेहता , नवी मुंबई येथील राहुल उर्फ आशिष रामभाऊ वाघ तसेच जयदीप उर्फ राहुल दीप उर्फ दीपक उर्फ दीपकदास , अमोल उर्फ प्रदीप निवेंकर, विशाल सावंत निवरे आणि नवी मुंबई येथील सचिन हंबीर पाटील उर्फ शंभू दास यांनी डॉक्टर सागर काटे यांच्या माध्यमातून फसवणूक सुरू केली.
डॉ.सागर काटे यांच्या वरती विश्वास ठेवून मध्य रेल्वे मध्ये बुकिंग क्लार्क या पदाची नोकरी लावतो म्हणून नेरल गावातील निलेश दत्तात्रय भिसे यांचा मुलगा प्रथमेश भिसे याला नोकरीला लावण्यासाठी सहा लाख रुपयांचा गंडा घातला होता. तर प्रथमेश निलेश भिसे याला नोकरी लावली जात नसल्याने आणि नोकरीचे आम्हीच दाखवणारे सूत्रधार डॉक्टर सागर काटे यांनी आयोजित केलेल्या मुलाखतीही या सुद्धा बोगस असल्याचे सिद्ध झाले असल्याचे फिर्यादीचे सहा लाख रुपये बुडाले असल्याची खात्री झाली.
निलेश भिसे यांनी आपली फसवणूक झाली आहे असे समजताच नेरळ पोलीस ठाण्यात तक्रार दाखल करण्यात आली आहे. नेरळ पोलीस ठाण्यात आठ जणांच्या विरोधात भारतीय न्याय संहिता २०२३ चे कलम (३१८)४,(३१६)२,(३३६)२,(३३६)३,(३४०)२,(३)५, नुसार गुन्हा दाखल करण्यात आला आहे. आतापर्यंत राहुल उर्फ आशिष रामभाऊ वारे आणि नितीन महादू वाघ यां दोघांना अटक केली आहे. तर अन्य आरोपी अद्यात फरार आहेत. तर चेतन उर्फ शहा हा मृत पावला आहे. तर अधिक तपास नेरळ पोलिस ठाण्याचे पोलिस प्रभारी अधिकारी शिवाजी ढवळे यांच्या मार्गदर्शनाखाली पोलीस उपनिरीक्षक नितीन मंडलिक हे करीत आहेत.
सदर फसवणुकीत 25 ते 30 जनांहून अधिक जणांची फसवणूक झाल्याचे समोर आले आहे. तर या फसवणुकीत २ कोटी रुपयांची फसवणूक असून ती वाढण्याची शक्यता आहे असे ही सांगण्यात आले आहे. नेरल प्राथमिक आरोग्य केंद्रात कार्यरत असताना डॉक्टर सागर काटे यांनी कोरोनाच्या काळात उत्तम कामगिरी केली होती. त्यामुळे नेरळ शहरात ते प्रसिद्ध डॉक्टर म्हणून नाव रूपाला आले होते. एक उच्चशिक्षित घराण्यातील असलेले काटे यांचं फसवणुकीत नाव समोर आल्याने परिसरात खलबल उडाली आहे .
Post a Comment
0 Comments