हुतात्मा नाग्या महादू कातकरी यांच्या बलिदान दिनानिमित्त कशेले येथील कार्यालयात कार्यक्रमाचे आयोजन.

प्रतिनिधी (मोतीराम पादिर); कर्जत तालुक्यातील कशेले येथील आदिवासी संघटनेच्या कार्यालयात थोर आदिवासी हुतात्मा नाग्या महादू कातकरी यांच्या बलिदान दिनानिमित्त संघटनेच्या कार्यालयात विशेष कार्यक्रम आयोजित करण्यात आला होता.

२५ सप्टेंबर १९३० रोजी चिरनेर जंगल सत्याग्रहात इंग्रजांविरुध्द लढा देऊन आपल्या १३ साथीदारांसह प्राणाची आहुती देणारे थोर आदिवासी हुतात्मा नाग्या महादू कातकरी यांचं बलिदान. या लढ्यात आदिवासी समाजाचे मोठे योगदान आहे. जंगलात राहणाऱ्या आदिवासींनी १९५७ च्या उठावापासून ते स्वातंत्र्याच्या लढयापर्यंत सक्रिय सहभाग घेतला होता. त्यांनी आपल्या प्राणाची आहुती देऊन जुलमी इंग्रजसत्ते विरूद्ध लढा दिला. या संघर्षात हुतात्मा नाग्या कातकरी यांचे योगदान अतिशय महत्त्वाचे होते.

१९३० च्या दरम्यान इंग्रज सरकारने आदिवासींचे जंगलातील हक्क नाकारले होते. आदिवासींना लाकूड,गवत,फले, वन औषधी, गोळा करण्यावर बंदी घातली होती. गाई म्हशींना जंगलात सोडण्यास मज्जाव करण्यात आला. या अन्यायाविरुद्ध देशभरात आंदोलने झाली त्यातीलच हे एक महत्त्वाचे आंदोलन होते "चिरनेर गावातील सत्यग्रह".

हुतात्मा नाग्या कातकरी आणि त्याच्या कातकरी समाजाने या अन्याया विरूद्ध आवाज उठवला आणि आपल्या टोळीला संघटित करून नाग्याने जंगल सत्याग्रहात उडी घेतली. पाच हजारांहून अधिक आदिवासी हे या सत्याग्रहात सामील झाले. जंगलावर असलेल्या प्रेमामुले त्यांना सत्याग्रहात उतरण्याची प्रेरणा मिळाली. नाग्याने जंगलातील एका उंच झाडावर झेंडा फडकवला आणि सत्याग्रहाचा नेतृत्व दिले.

या सत्याग्रहात इंग्रज पोलिसांनी अक्काबाईच्या जंगलात गोळीबार केला, ज्यात नाग्या कातकरी गंभीर जखमी झाला. त्याच्या मांडीत गोळी लागली. त्याला उपचार मिलाण्या ऐवजी घरगुती औषधोपचार केले गेले. अखेर २५ सप्टेंबर १९३० रोजी नाग्या कातकरी याने आपल्या तरुण वयात प्राणाची आहुती दिली आणि तो हुतात्मा झाला.

आदिवासी समाजाने त्याच्या बलिदानाची आठवण ठेऊन त्याच्या त्यागाला वंदन केले हुतात्मा नाग्या कातकरी याच्या बलिदाना दिना निमित्त आजही त्याच्या धेर्याला, त्याच्या लढ्याला आदराने अभिवादन केले जाते. या वेळी या कार्यक्रमाच्या वेळी या कार्यक्रमाला आदिवासी ठाकूर समाज संघटनेचे अध्यक्ष परशुराम दरवडा, उपाध्यक्ष मंगल केवारी, सचिव भगवान भगत, काशिनाथ पादिर, दत्तात्रय केवारी, दिनेश पिंगळा, व संघटनेचे अनेक पदाधिकारी उपस्थित होते...