प्रतिनिधी / ; स्वारगेट बस स्थानकातील तरुणीवर बलात्कार करणारा आरोपी दत्ता गाडे याचा शोध घेण्यात पुणे पोलिसांना अखेर यश आले आहे. गाडे याला त्याच्याच गावात असलेल्या एका शेतातून बेड्या ठोकण्यात आल्या आहेत. मध्यरात्री दीडच्या सुमारास पोलिसांनी ही कारवाई केली आहे. तरुणीवर बलात्कार केल्यानंतर गाडे हा आपल्या गुणाट या गावी आला होता.
महाशिवरात्र असल्या मुले तो तिथल्या किर्तन कार्यक्रमात देखील सहभागी झाला होता. मात्र माध्यमांवर त्याचा फोटो आल्यानंतर तो तेथून फरार झाला. गावकऱ्यांनी त्याला गावात आल्याचे पाहिले होते. त्यानंतर पोलिसांचा 13 पथक त्याचा शोध घेण्यासाठी तैनात करण्यात आले होते. श्वान पथक ड्रोनच्या माध्यमातून त्याचा शोध सुरू होता गावात आणि आजूबाजूच्या परिसरात त्याचा शोध सुरू होता. पोलिसांनी दिवसभर शोध करून देखील तो सापडला नव्हता ,मात्र मध्यरात्री दीडच्या सुमारास तो पोलिसांना सापडला. बलात्काराच्या घटनेनंतर पोलिसांच्या कार्यक्षमतेवर प्रश्नचिन्ह निर्माण झाले होते. मात्र दोन दिवसांच्या शोध मोहिमेला अखेर यश आले आहे.
त्याला पकडल्यानंतर स्वारगेट पोलिसांनी त्याला ताब्यात घेतले असून त्याला पुण्यात आणण्यात आले आहे. शुक्रवारी पहाटे दीड वाजण्याच्या सुमारास तो स्वारगेट पोलीस स्टेशनच्या तपास पथकातील कर्मचाऱ्यांच्या हाताला लागला. त्याला घेऊन पोलिसांची पथक आता पुण्याच्या दिशेने निघाले आहेत.
दत्ता गाडे यांनी अजून काही कांड केले आहेत का ? याचा उलगडा देखील आता होणार आहे. स्वारगेट सारख्या महत्त्वाच्या ठिकाणी ही घटना घडल्याने सर्वांनाच धक्का बसला आहे. यामुळे महिलांची सुरक्षितता पुन्हा एकदा वाऱ्यावर असल्याचे पाहायला मिळाले आहे. तरुणीने योग्य वेळी तक्रार दाखल केले असल्यामुळे या प्रकरणाला वाचा फुटली होती. त्यामुळे दत्ता गाडे या सराईत आरोपीला पकडणे शक्य झाले. आरोपीला आज दुपारी तीन नंतर न्यायालयात हजर करण्यात येणार आहे. आरोपीला सध्या लष्कर पोलीस ठाण्यात ठेवण्यात आले असून त्याच्यावर कायदेशीर कारवाई सुरू असल्याचे पोलिसांकडून सांगण्यात आले आहे.
Post a Comment
0 Comments